et hominibus ad meliora semper proficere facias, ut summi regiminis solium, gratia superna largiente, gaudens suscipiat, et misericordiæ tuæ muro ab hostium adversitate undique munitus, plebem sibi commissam cum pace propitiationis et victoriæ virtute feliciter regere mereatur. Per.

Deus qui populis, requiritur in capite libri.

Alia.

In diebus ejus oriatur omnibus æquitas et justitia, amicis adjutorium, inimicis obstaculum, humilibus solatium, (elevatis*) correptio, divitibus doctrina, pauperibus pietas, peregrinis pacificatio, propriis in patria pax et securitas, unumquemque secundum suam mensuram moderate gubernans se ipsum sedulus discat, ut tua irrigatus conpunctione toto populo tibi placita prebere vitæ possit exempla, et per viam veritatis cum grege gradiens sibi subdito, opes frugales habundanter adquirat, simul et salutem non solum corporum sed etiam cordium a te concessam accipiat. Sicque in te cogitatum animi consiliumque omne componens, plebis gubernacula cum pace simul et sapientia semper invenire videatur, teque auxiliante, presentis vite prolixitatem percipiat, et per tempora bona usque ad summam senectutem perveniat, hujusque fragilitatis finem perfectam, ab omnibus vitiorum vinculis tuæ pietatis largitate liberatus, et infinite prosperitatis premia perpetua, angelorumque æterna commercia consequatur. Per.

Hic verget oleum cum cornu super capud ipsius, cum antiphona: Uncserunt Salomonem, et Psalm. Domine in virtute tua. Unus ex pontificibus (dicat orationem†), et alii unguant.

Deus, electorum fortitudo et humilium celsitudo, qui in primordio per effusionem diluvii crimina mundi castigare voluisti, et per columbam, ramum olivæ portantem, pacem terris redditam demonstrasti, iterumque Aaron famulum tuum per unctionem olei sacerdotem sanxisti, et postea per hujus unguenti infusionem ad regendum populum Israheliticum sacerdotes, ac reges, et prophetas perfecisti, vultumque æcclesiæ in oleo exhilarandum per propheticam famuli tui vocem David esse predixisti: ita quæsumus, Omni

*Deest in MSto sed occurrit in MS. in Bib. Bodl. asservato, vulgo dicto "Missale Leofric."

+ Deest in MS.

potens Pater, ut per hujus creaturæ pinguedinem hunc servum tuum sanctificare tua benedictione digneris, eumque in similitudinem columbe pacem simplicitatis populo sibi subdito prestare, et exemplo Aaron in Dei servitio diligenter imitari, regnique fastigia in consiliis scientiæ et æqualitate judicii semper assequi, vultumque hilaritatis per hujus olei unctionem tuamque benedictionem, te adjuvante, toti plebi paratum habere facias. Per.

Hic omnes pontifices cum principibus dant ei sceptrum in manu. Benedic, Domine, hunc presulem principem, qui regna regum omnium a seculo moderaris. Amen.

Et tali eum benedictione glorifica, ut Daviticum teneat sublimitatis sceptrum salutis, et sanctificatus protinus reperiatur in merito.

Amen.

Da ei a tuo spiramine cum mansuetudine ita regere populum, sicut Salomonem fecisti regnum obtinere pacificum. Amen.

Tibi semper cum timore sit subditus, tibique militet, cum quieto regno sit tuo clypeo protectus cum proceribus, et ubique maneat sine pugna victor. Amen.

Sis ei contra acies inimicorum lorica, in adversis galea, in prosperis patientia, in protectione clypeus sempiternus.

Vivat inter gentium catervas magnanimus: sit in judiciis æquitas singularis. Amen.

Locupletet eum tua predicta dextera, frugalem contineat patriam, et suis liberis tribuat profutura. Amen.

Da ei prolixitatem vitæ per tempora, et in diebus ejus oriatur justitia. Amen.

A te robustum teneat regiminis solium, ut cum jocunditate et justitia æterno glorietur in regno. Amen.

Et presta ut gentes illi teneant fidem, proceres sui habeant. pacem, diligantque caritatem. Amen.

Tu ejus mentem benignus inlabere, ut amore te timeat, et timore diligat. Amen.

Tu ei honor sis, tu gaudium, tu voluntas, tu in merore solatium, in ambiguitate consilium, in itinere consolator. Amen.

Tu in injuriis defensor, in tribulatione patientia, in ægritudine medicina. Amen.

In te habeat omne consilium, per te tuam discat a te commissam sapientiam regni gubernacula moderari, ut semper felix,

semper a te gaudens, de tuis mereatur beneficiis gratulari, et æternis valeat commerciis copulari. Amen.

Ut quem tu nobis hodie tua misericordia jocundum presentare dignatus es, tua facias multorum curriculis annorum protectione securum. Amen.

Amen.

Et ita populus iste pullulet coalitus benedictione æternitatis, ut semper maneat tripudians in pace victoriosus. victoriosus. Quod ipse prestare digneris, qui cum æterno Patre simul cum Spiritu Sancto vivis et regnas Deus, per omnia sæcula sæculorum. Hic datur ei baculus in manu sua.

Omnipotens det tibi Deus de rore cœli et de pinguedine habundantiam terre, frumenti, et vini, et serviant tibi populi et adorent te tribus: esto dominus fratrum tuorum, et incurventur ante te filii matris tuæ, et qui benedixerit tibi benedictionibus repleatur, et Deus erit adjutor tuus, et Omnipotens benedicet tibi benedictionibus cœli desuper, in montibus, et in collibus, benedictionibus abyssi jacentis deorsum, benedictionibus uberum, et uvarum, pomorumque: benedictiones patrum antiquorum Abraham et Isaac et Jacob portate sint super te.

Hic omnes pontifices sumant galeum et ponant super caput ipsius. Benedic, Domine, fortitudinem regis principis, et opera manuum illius suscipe, et benedictione tua terra ejus de pomis repleatur, de fructu cœli et rore atque abyssi subjacentis, de fructu solis ac lune, de vertice antiquorum montium, de pomis æternorum collium, et de frugibus terre et plenitudine ejus. Benedictio illius qui apparuit in rubo veniat super caput N., et plena sit benedictio Domini in filiis ejus, et tinguat in oleo pedem suum; cornua renocerotis cornua illius, in ipsis ventilabit gentes usque ad terminos terræ, quia ascensor cœli auxiliator suus in sempiternum fiat. Per.

Et dicat omnis populus tribus vicibus cum episcopis et presbyteris: Vivat rex N. in sempeternum. Tunc confirmabitur cum benedictione omnis populus, et osculandum principem in sempiternum dicit. Amen. Amen. Amen. Tunc dicunt orationem septimam supra regem.

Deus, perpetuitatis auctor, dux virtutum, omnium cunctorumque hostium victor, benedic hunc famulum tuum tibi suum capud inclinantem: effunde super eum gratiam firmam, et in militia in qua probatus consistit, prolixa sanitate eum, prospera

felicitate conserva, et ubicumque, vel pro quibuscumque auxilium tuum invocaverit, cito adsis, protegas, et defendas.

Offert. Exaudi Deus orationem meam.

Super oblata.

Per.

Suscipe, Domine, preces et munera æcclesiæ tuæ pro salute famuli tui N. supplicantis, et protectione fidelium populorum antiqua brachii tui operare miracula, ut superatis inimicis, secura tibi serviat Christiana libertas. Per.

Prefatio.

Vere dignum. Æterne Deus, qui providentia tua cœlestia simul et terrena moderaris, propitiare regi nostro N. et rebus nostris, ut omnis hostium fortitudo, te pro nobis pugnante, frangatur. Per.

Conjunctio.

Hanc igitur oblationem, Domine, famuli tui N. quod tibi in misterio officii sacerdotalis offerimus, pro eo quod in ipsum potestatem regni conferre dignatus es, propitius et benignus adsume, et exoratus nostra obsecratione concede, ut majestatis tuæ protectione confidens, et ævo augeatur, et regno. Per Christum, diesque nostros.

Communio.

Inlumina faciem tuam.

Post communionem.

Deus, qui ad predicandum æterni regni evangelium Christianum imperium preparasti, pretende famulis tuis nunc principibus nostris arma justitiæ cœlestia, ut pax æcclesiarum nulla turbetur tempestate bellorum. Per.

Ad populum.

Omnipotens sempiterne Deus, nostri regni defende regem atque rectores, ut in tua dextera confidentes, fiant hostibus suis fortiores universis. Per Dominum.

CONSECRATIO ABBATIS SIVE ABBATISSE.

105

Primum mandatum regis ad populum hic videre potes.

Rectitudo regis est noviter ordinati, et in solium sublimati, hæc tria precepta populo Christiano sibi subdito precipere: in primis, ut æcclesia Dei et omnis populus Christianus veram pacem servent in omni tempore. Amen.

Aliud est, ut rapacitates et omnes iniquitates omnibus gradibus interdicat. Amen.

Tertium est, ut in omnibus judiciis æquitatem et misericordiam precipiat, ut per hoc nobis indulgeat misericordiam suam clemens et misericors Deus. Amen.

CONSECRATIO ABBATIS SIVE ABBATISSÆ.

Concede, quæsumus Omnipotens Deus, ut famulum tuum N., quem ad regimen animarum elegimus, gratiæ tuæ dono prosequare, ut, te largiente, cum ipsa tibi nostra electione placeamus.

Alia consecratio.

Deus, qui sub tuæ majestatis arbitrio omnium regnorum contines potestates, tibi supplices fundimus preces humiliter exorantes, ut hunc famulum tuum (vel hanc famulam tuam) a nobis indignis in gradum abbatis (vel abbatissæ) electum (vel electam) superne tuæ summeque sanctificationis gratia benedicere digneris, ut in diebus ejus devotio renascatur discipline, ut, te adjuvante, suis subditis tibi placita prebere possit exempla, tibique cum timore subditus ac mansuetus militans tuæ majestati mereatur ubique clypeo pacifico protegi, dextera tuæ divinitatis eum (vel eam) digneris locupletari, ut opem frugilem fratribus inferre, et omnibus undique advenientibus pie possit profutura exhibere: tu illi esto honor, tu gaudium in domo, in itinere socius, in merore solatium, in ambiguitate consilium, in egritudine medecina, in laboribus adjutor, in adversis defensor, in tribulatione patientia; ponat in te providentiam mentis, per te discat consilio commissi sibi gregis gubernacula sapienter moderari, ille semper felix semperque exultans de tuæ