THEOLOGIÆ DOGMATICE E PROBATIS AUCTORIBUS COLLECTA ET DIVINI VERBI MINISTERIO ACCOMMODATA, opera Francisci Xaverii SCHOUPPE, S. J. O Timothee, depositum custodi. I TIM. VI, 20. TOMUS I. TRACTATUS DE PRINCIPIIS THEOLOGICIS, DE RELIGIONE CHRISTIANA, DE ECCLESIA, DE REGULA FIDEI, EDITIO QUINTA. BRUCELLIS EXCUDEBAT H GOEMAERE SUMMI PONTIFICIS TYPOGRAPHUS. EBORACI NOVI (NEW-YORK) ET CINCINNATI APUD FRATRES BENZIGER. Facultas R. P. Provincialis SOCIETATIS JESU BELGICE. Ego Fridericus Bossaert, Societatis Jesu in Provincia Belgica Provincialis, potestate ad hoc mihi facta ab Adm. Revdo P. PETRO BECKX, ejusdem Societatis Præposito Generali, facultatem concedo, ut opus cui titulus; Elementa Theologia dogmaticæ, e probatis auctoribus collecta, et divini verbi ministerio accommodata, opera F. X. Schouppe, S. J., ab aliquot ejusdem Societatis Theologis recognitum et approbatum, typis mandetur. In quorum fidem has litteras manu mea subscriptas et sigillo meo munitas dedi. REVERENDO PATRI F.-X. SCHOUPPE, S. J. PRESBYTERO S. THEOLOGIE LECTORI. Reverende Pater, Opus tuum, Elementa Theologiæ Dogmaticæ, quod mihi misisti, perlibenter accepi, multamque tibi de hoc tuo munere gratiam habeo. Illud jampridem reposui inter eos libros, quibus utor singulis fere diebus; eoque libentius idem sæpe volvo, quod numero paginarum exiguo maximam continet copiam doctrinarum. Quum scriberes hæc Elementa, cogitasti, credo, de commodis eorum, qui sacro ministerio addicti, temporis angustiis præpediuntur, quominus latos scientiæ theologica fluvios adeant, e rivulis tamen ejusdem sacros latices haurire coguntur. Multa sane, mea quidem sententia, ejusmodi sacerdotes ad adeundos tuos fontes hortantur: doctrinæ scilicet ubertas ac puritas, sermonis accurati et compendiosi perspicuitas, res in optimum ordinem digestæ, ita ut totius Fidei catholicæ expositionem sine ullo, ut ita dicam, negotio intelligant, et memoria teneant, atque eamdem fidelibus sibi concreditis pure ac limpide valeant propinare. Quanti tandem Elementa tua Theologiæ dogmaticæ faciam, vel ex hoc intelliges, quod ut Enchiridion, ad addiscendam hanc sacræ scientiæ præcipuam partem, eadem alumnis seminarii mei Leodiensis tradere non dubitaverim. Persuasum habeas velim nihil mihi gratius esse, quam ut meæ existimationis et dilectionis in Christo sensus tibi significem. Reverende Pater, etc. †THEODORUS, Episc. Leodiensis. Leodii, hac 20 Octobris 1862. REV. PATRI FRANCISCO XAV. SCHOUPPE, SOCIETATIS JESU PRESBYTERO, S. THEOLOGIÆ IN LOVANIENSI PRÆFATE SOCIETATIS COLLEGIO LECTORI. Reverende Pater, Quod jamdiu in votis erat, quodque in scholis theologicis desiderabatur, compendium scilicet Theologiæ dogmatiæ præsentibus Ecclesiæ necessitatibus accommodatum, id studio ac opera tua perfectum est. Elementa hæc Theologia dogmatica, materiarum pondere, sanæque doctrinæ eloquiis vere conspicua, stylo brevi, claro ac facili, optima a te methodo redacta, tanta ego mentis voluptate perlegi, tamque apta judicavi ad clericos ad scientiam Theologiæ dogmaticæ præparandos ac informandos, ut librum hunc alumnis majoris mei Seminarii in schola prælegi voluerim atque decreverim. De hoc ingenii ac laboris tui fructu dum tibi ex corde congratulor, infinitam Dei bonitatem enixe deprecor, ut ad majorem suam gloriam, animarumque subsidium, ac diœcesis meæ, in qua natus es, bonum, Reverentiam tuam diu sospitem servare dignetur, Interiin peramanter subscribor, Rev. tuæ, humillimus in Christo servus, + LUDOVICUS JOSEPHUS, Episc. Gand. Gandavi, in festo S. Franc. Xav. 1862. |